pilluaritsi
Se billeder: Assit: Ilulissani atualeqqaartut
Ilulissani 1. klassemi aallartittut tamarmik Atuarfik Jørgen Brønlundimi aallartipput atuarfitoqarlu Atuarfik Mathias Storch matoqqavoq isaterneqassallunilu
Atualerlaat 72-it isumalluarpaseqisut tallimanngormat Ilulissani atualeqqaarfissiorput. Meeqqat 34-it Atuarfik Mathias Storchimi oquk pissutigalugu matuneqartumi aallartittussaasimagaluarput. Meeqqat ilaqutaallu assuarlutik atualeqqaarfissiorput.
Meeqqat 38-it Atuarfik Jørgen Brønlundimi atuartussat nalunaaqutaq qulinut tikilluaqquneqarput, meeqqallu allat 34-it Atuarfik Mathias Storchimi atualersutut nalunaarsorneqarsimasut ullup qeqqanut tikilluaqquneqarput.
Atuaruk: Ilulissat: Atuarfik Mathias Storch matuissaaq
Angajoqqaat aanaakkullu pisarneq malillugu assuarlutik ullormi pingaartorsuarmi najuuteqataapput. Taamatullu ilaqutaasut atuarfimmut qanimut attaveqarnerat atuarfiup tungaaniit atuartuuneq tamaat atuutillaqquneqarpoq.
- Atuarfiup angajoqqaallu attaveqatigiilluarnerisigut atuartut pitsaasut toqqissisimasullu pilersissavavut attaveqarfigineqarnissamullu piareersimakutsoorpugut, Atuarfik Jørgen Brønlundimi pisortaq Ane Solveig Hansen oqarpoq.
Atuarfik Mathias Storchimi ningiuusoq Karen Hansen tikilluaqqusisuuvoq atuarfimmini atualerlaat tikilluaqquneqarmata.
- Ullumi ulloq pingaartumik atualerlaanut pingaaruteqarpoq. Ukiut qulit atuartussaavusi tamannalu sivisoorsuartut isigineqarsinnaagaluarpoq, kisianni neriorsorsinnaavassi ukiut taakku sukkasuumik ingerlassasut. Atuarnissarsi Kalaallit Nunaata siunissaanut pingaaruteqarpoq, Karen Hansen oqarpoq.
Atualerpaat kalaallinit, qallunaanit savalimmiormiunillu kingoqqisuupput.