efterlysning
Saxtorph Didriksen: Rubinit sumiippat?
2009-mi rubinit inatsisitigut atortussiassamiit pinnersaatinngortinneqarpoq. Tamatuma kinguneranik Qeqertarsuatsiaarmiut rubininik tigusariaannarnik katerseqqusaajunnaarput
Nunaqarfimmiutut Inatsisartunullu ilaasortatut Saxtorph Didriksenip, Siumut, Naalakkersuisunut rubinit pillugit apeqquteqarpoq, Qeqertarsuatsiaani innuttaasut utoqqaanerit naapertorlugit Qeqertarsuatsiaat kangiani Kuussuarmi piiarneqarlutillu immikkoortiterneqarsimasut. Tamanna pisimavoq 2009-mi Namminersorlutik Oqartussat eqqunneqannginneranni, aammalu 1979-imi Namminersornerullutik Oqartussat eqqunneqannginneranni.
– Rubinit sumut pisimappat. 2009-mi Namminersorlutik Oqartussat eqqunneqarnerisa kingorna avammut nassiunneqarsimasut misissugassatut? Saxtorph Didriksen aperivoq.
Taanna isumaqarpoq tamakkua iluaqutaasumik nunaqarfimmi suliffissaqartitsisinnaagaluartut, pinnersaatissatut piareersarlugit. Saxtorph Didriksen Naalakkersuisunut allanik pingasunik aamma apeqquteqarpoq:
– Rubinit nunatsinnit aallarunneqartut qanoq naleqartigaat?
– Rubinit piiarneqarsimasut kalaallinut innuttaasunut sunik pitsaasunik sunniuteqarpat qanorlu aningaasarsiutaasimappat?
– Kikkut tamarmik nalunngisaattut Qeqertarsuatsiaani rubininik piiaasoqalerpoq, tamatumunnga atatillugu qulakkeerneqarsimava piiaaneq nunaqarfimmiunut suliffissaqarnikkut iluaqutaassasoq?