urani pillugu oqallinneq
´Savat radioaktivinngoreerpat? ´
Uranimik piiaaniarneq pillugu oqallinnermi Sermitsiap immikkut ilisimasalittai atuartartut apeqqutaannut akissuteqaqqipput
Kuannersuarni suliniummut atatillugu CO2 qanoq annertutigisoq aniatinneqassava, atuisartunut assartuineq ilanngullugu?
Nunarput qinngornernik navianartunik atugaqarneruleriartussava uranimik piiaaffiit amerliartortillugit?
Kalaallit Nunaata uranimut akuersaanngilluinnarneq atorunnaarsissinnaagaa Namminersornermut kommissionip sooq eqqarsaatigisimanngilaa?
Kujataani savat radioaktivingoreerpat?
Immikkut ilisimasalinnut
Uranik piiaanissaq pillugu oqallinnermut atatillugu atuartartut Sermitsiap immikkut ilisimasalittaasut apeqqutaasa ilaat taamatut nipaqarput.
Innuttaasut sapinngisamik amerlanerpaat apeqqutinut akissutaanullu itinerusumik isummersinnaaqqullugit Sermitsiamit normu 14, 15, 16 17-imilu quppernerit uranimik samminnittut nittartakkatsinnut ikkuppavut.
Quppernit uranimik samminniffiusut atuarsinnaavatit uani.
Immikkut ilisimasalinnut suli apeqquteqarsinnaavutit. Apeqqutit uunga nassiuguk uran@sermitsiaq.gl
Apeqqutinut kingullernut akissutit Sermitsiaq normu 20-mi atuarsinnaavatit. Aviisi ataani linki atorlugu pisiarisinnaavat