neriniartarfiit
Savalimmiut Islandilu pernaammik Michelinimik ullorialerneqartut
Nerisassiornerup aqqani oscari Savalimmiunut Islandimullu tunniunneqarpoq
Nunani avannarlerni neriniartarfiit aqqi naliliisartumit Michelinimit ullaaq manna suaarutigineqarput. 'Neriniartarfik nerisassioriaatsimini mamartuiliortartoq' (ulloriaq ataaseq), 'aqqusaarneqartarialik' (ullorissat marluk) 'angalalluni tikeraarfigissallugu imminut akilersinnaalluartoq' (ullorissat pingasut' ilaatigut neriniartarfinnut naliliinermi tunniunneqarput.
Taamaasilluni pernaammik Michelin Guidemi inspektørit Savalimmiuni Islandimilu neriniartarfiit nersornaatisitippaat. Savalimmiuni neriniartarfik Restaurant Koks Thorshavnimiittoq, Islandimi Restaurant Dill Reykjavikimiittorlu ulloriamik ataatsimik tunineqarput.
Neriniartarfiit taakku marluk Michelinip inspekøriinut piukkunaateqarluartutut innersuunneqareernikuupput.
Danmarkimi neriniartarfiit 24-t ullorissanik nalilersuiffigineqarnikuupput, tamannalu rekordiulluni. Geranium Københavnimiittoq pingasunik ulloriaqarpoq, AOC aamma Københavnimiittoq Henne Kirkeby Kro vestkystenimiittoq marlunni ulloriaqarput.
Danmarkillu neriniartarfiini pitsaanerpaat ilaat Noma allamut nuulernera pissutaalluni ullorialerneqarnikuunini annaavai.