arsaanneq
Savalimmiunut unammillilerput
Kalaallit inuusuttut Savalimmiormiullu illup iluani imminnut unamminissaat piareersarneqarpoq
Annonse
Arnat U-18-it kisimiinngillat illup iluani novemberimi nunatsinni pissartanngorniuttussanngortut. Angutit U-18 aamma illup iluani pissartanngorniutilerput pissartanngorniunnerillu kingorna nunanut allanut unammisartunik toqqaasoqassaaq.
Illup iluani pissartanngorniunnerit arsaateriaaseq futsal nunani allani atugaalluartoq atorlugu ingerlanneqassapput. Arnat angutillu U-18-it novemberimi pissartanngorniutissapput angutillu inuusuttut savalimmiormiunut unammisinnissaat sulissutigineqartoq GBU-mi unammersuarnermut ataatsimiititaliami siulittaasoq Oluf Olrik oqarpoq.
- Aamma sulissutigaarput siunissami inersimasut futsalimi nunanut allanut unammisartoqalernissaat, Oluf Olrik oqarpoq.