Nersornaat

Savalimmiunut atuakkiornermut nersornaasiineq

Nunat Avannarliit Killiit Meeqqanut Inuusuttunullu atuakkianut nersornaasiuttagaa Rakel Helmsdalimut tunniunneqarpoq

Rakel Hemsdal, atuakkiortoq Nunat Avannarliit Killiit Meeqqanut Inuusuttunullu atuakkianut akissarsititsissutaanik 2016-imi ajugaasoq

Nunat Avannarliit Killiit meeqqanut inuusuttunullu atuakkianut nersornaasiuttagaanut, atuagaq 'Hom, sum róði móti ælaboganum' Rakel Helmsdalimit allanneqartoq, 2016-imi akissarsitinneqassasoq naliliisartut aalajangiuppaat.

Atuagaq atuakkanik naqiterisitsisarfimmit Bókadeild Føroya Lærarafelagsimit saqqummersinneqarpoq.

Nersornaaserneqarnerup naasullu saniatigut, Rakel Hemsdal 60.000 koruunit nalinginut checkinnappoq.

Kulturi oqaluttuarisaanerlu
Atuakkiornermut nersornaasiinikkut siunnersuisoqatigiit, meeqqat inuusuttullu sumiiffiup kulturianik oqaluttuarisaaneranillu paasisaqarnissaannut periarfissinneqartarnerat siuarsarusuppaa.

Tamannalu aamma tunngavigalugu atuakkanik naqiterititsisarfiup atuagaq kalaallisuunngorlugu Islandimiusuunngorlugulu nutserneqarnissaanik qinnuteqarsinnaavoq, Nunat Avannarliit Killiit Siunnersuisoqatigiivi ilisimatitsipput.

Ukioq allortarlugu nersornaasiisoqartarpoq.

Atuaruk: Eqqumiitsuliortoq nersornaammut innersuunneqartoq

Powered by Labrador CMS