Savalimmiut
Savalimmiuni niisarniartarneq aalassassimaartitsisoq
Savalimmiuni ileqquusumik niisanniartoqarnissaanut atatillugu aalassassimaartoqarpoq
Savalimmiuni niisanniarnissaq pillugu The Arctic Jounalimi atuartartut aalassassimaarput. Tamanna pillugu allaaserisami 300-t missaariarluni isummersorfigineqareerpoq, aatsaallu taama allaaserineqartoq ataaseq atuarneqartigaaq.
Avatangiisit pillugit illersuisut Sea Shepherd niisanniarnermut akornusersuiniarluni nalunaaruteqartareerpoq. Taamaattumik Savalimmiormiut politiivisa danskit politiivinik ikioqqupput.
Isummersornerit assigiinngitsunit
Niisanniartut ajoqqusersorneqannginnissaat anguniarlugu politiit ikioqqullutik nalunaarsimasut oqaatigineqarpoq, kiisalu akerliusut aamma ajoqqusinnginnissaat anguniarlugu ikioqqullutik.
Sea Shepherd avatangiisinut illersuiniartuupput, ingasattajaarisinnaasartutullu ilisimaneqarlutik.
Niisanniarnissamut akerliusut nunanit allaneersuunerupput, niisanniarnissamullu illersuisut savalimmiuneersuunngikkunik danskiunngikkunik kalaaliullutik.
Tamanna pillugu illit qanoq isummersuuteqarpit? The Arctic Journalimi oqalliseqataagit uani
The Arctic Journal Tusagassiiviup Sermitsiaq.AG-imut attuumassuteqarpoq. Nittartagaq tuluttuinnaq allaqqavoq, Issittumi pisunik allaaserisaqartartoq. Nittartakkap ammarneranit ukioq kingulleq septembarimit maannamut soqutigineqarnera annertusiartuinnavippoq. Facebookimi maannakkut 32.000-nit malinnaaffigineqarpoq.