Savalimmiut
Savalimmiuni naalakkersuisuutitaqartut ikinnerussuteqaleqqipput
Annika Olsen partii Framsókn ulluni sisamaannarni ilaasortaaffigaa. Taamaasilluni naalakkersuisuutitaqartut ulluni sisamaannarni amerlanerussuteqarput
Annonse
Savalimmiuni naalakkersuisuutitaqalersut Socialdemokraatit, Republikanerit Framsóknilu aalassassimaaqattaangaatsiarput
Naalakkersuisuunerminnimi marloriarlutik ikinnerussuteqalernikuupput.
Folkeflokkenimi ilaasortaq nuannarineqarluartoq Annika Olsen septembarip 17-ani Framsóknimi ilaasortaalernini nalunaarutigaa.
Kisianni ullut sisamaannaat qaangiutereersut partiimit anivoq, lagtingimiillu sulinngiffeqartussanngorluni.
- Inuttut tatisimaneqartorujussuuvunga ulluni kingullerni. Siunissamut aalajangernissannut piffissaq atugara sivikippallaarujussuarpoq, Annika Olsen oqarpoq.