korruption
Savalimmiuni naalakkersuisut siulittaasuat peqquserluliortutut politiinut unnerluutigineqartoq
Savalimmiuni politikerit "Mugabe-tut pissusilersorput", Suni á Dalbø, inuussutissarsiorneq siuarsarniarlugu aningaasaateqarfimmi ilaasortaasimasoq isumaqarpoq. Aningaasaateqarfik ikinngutinut aningaasanik tukkusaarsimavoq
Savalimmiuni inuussutissarsiutit siuarsarniarlugit aningaasaateqarfik Vinnuframagrunnin, ukiorpassuarni ´klubbitut matoqqasutut´ ingerlasimavoq, tassani siulersuisunut ilaasortat piumasaarsorlutik ikinngutinut selskabinullu, qanimut attuumassuteqarfigisanut, koruuninik untritilinnik tusintilikkaanik tunioraasarsimallutik.
Taamatut isumaqarpoq siulersuisunut ilaasortaasimasoq Suni á Dalbø, taassumalu ministeri Vinnunframagrunnin-imut akisussaasoq, Savalimmiuni inuussutissarsiornermut ministeri Johan Dahl, aamma naalakkersuisut siulittaasuat Kaj Leo Johannesen politiinut aningaasanik peqquserluttuliornermik misissuisartunut unnerluutigai.
– Periuseq tamanna oqartussaaqataanermut inuiaqatigiinnullu inatsiseqarfiusunut ataqqinaataanngilaq, afrikamili kisermaassilluni naalakkersuisoqarfimmut assingulluni, á Dalbø oqarpoq taannalu isumaqarput savalimmiuni politikerit "Mugabe-tut pissusilersortut". Tamannalu taavaa illoriit arnap angutillu festernerattut.
Taamatut oqarpoq Ekstra Bladet-imut.
Aningaasat tunniunneqartartut millionip affai angullugit amerlatigisarsimapput.
Kaj Leo Johannesen, Savalimmiuni ministerit qullersaat, peqquserlunnernik isiginngitsuusaarsimanerminik unnerluutiginninneq isummerfigiumanngilaa.