Lotto
Savalimmiuni lottorluni millionærinngortoq Danske Spilip ujarpaa
Lottomi eqquiniut Savalimmiuni pisiarineqartoq millioninik marlunnik kisitsisitalimmik eqquisitsivoq. Eqquisoq suli nalunaarsimanngilaq
Lottomi eqquiniummi eqqortut arfineq-marluk arfininngormat makitsinermi 27.425.349 koruuninik eqquisitsipput.
Eqquisulli eqquilluni suli ilisimasimagunanngilaa. Tassami eqquisoq suli nalunaarsimanngilaq, Danske Spil paasissutissiivoq.
Lottomi eqquiniut millionilinnik marlunnik kisitsisitalimmik eqquisitsisoq Savalimmiuni Thorshavnip illoqarfita avannamut kangimut immikkoortuani Hoyvikimi pisiniarfimmi Føroya keypssamtøka-mi pisiarineqarsimavoq.
Thorshavnimi eqquisup saniatigut lottortoq alla aamma millionærinngorpoq. Eqquisoq Esbjergimiippoq, taannalu immikkut makitsinermi 1 million koruuninik eqquivoq. Millioninik eqquisup eqquiniut Esbjergimi Føteximi pisiarisimavaa.
27 millioner koruunit aningaasarpassuugaluartut Danmarkimi eqqukkat annersaannut sanilliunneqarsinnaanngillat, tassa siorna februaarimi Helsingørimiu Eurojackpot-imi eqquerujussuarmat.
Taassuma eqqugai 3115 millioner koruunit sinneqarput. Eqqorluartumik 3.15.009.958 koruunit.
Helsingørimiup eqquereujussuannginnerani annerpaamik eqquinikuuvoq angut, 2012-imi oktobarimi aamma Eurojackpotimi 135 millioner koruuninik eqquisoq.
Taamanikkut eqquisup eqquiniut eqquissunni alersimi illuanut toqqorsimavaa, aatsaallu kisitsisit saqqummiunneqarnerisa kingorna sapaatip akunnerata ataatsip missaa qaangiuttoq saaffiginnilluni.