Aalisakkat
Savalimmiuni kapisillit virusiannik nassaartoqartoq
Uumasut pisortaqarfiata imarmi aalisakkanik immikkoortitsileruttorput, imaq immikkoortoq Bakkafrostimit pigineqarpoq. Savalimmiuni kapisillit aalisakkani avammut tunisaanerpaasarput
Kapisillit virusiat navianartoq ISA-mik taaneqartartoq imarmi aalisagaarniat Bakkafrostip aqutaani uumasut pisortaqarfiata misissuisartui nassaarput. Lofotenip eqqaani aamma virusip assinganik nassaarput. Kapisillit virusiannik nassaartoqarnera Savalimmiunut eqquisinnaavoq.
Suliffeqarfiit aalisagaarniarfiillu suleqatigiipallassinnaanerat neriuutigineqarpoq virusi navianartoq siaruannginniassammat.
Nora.regiontrends.org allappoq.
Aalisagaarniarnermut kapisillit virusiat eqquerujussuarsinnaavoq, virusili inunnut tunillaassinnaanngilaq. Kapisillit virusiannik ISA-mik siullermeerluni Savalimmiuni nassaartoqanngilaq. 2000-ip aallartinnerani virusip kapisillit nungungajavippai.
Virusip kapisillit aakilliortittalersarpai toqunissaata tungaannut.
Kapisillit virusianik nassaartoqareersoq aalisagaarniat Bakkafrostip Oslo Børsimi akitaataat 5 procentpointinik apparput.