sinniisoqarfittaaq

Savalimmiormiut sinniisoqarfimmik ammaaqqittut

Savalimmiormiut Ruslandimi sinniisoqarfimmik ammaapput. Savalimmiut Ruslandillu niueqatigiinnerat nukittorsarniarlugu sinniisoqarfik ammarpoq

Savalimmiormiut lagmandiat, Kaj Leo Holm Johannesen

Savalimmiormiut tallimanik sinniisoqarfeqalerput. Ruslandip illoqarfiisa pingaarnersaanni Moskvami ammaasoqarpoq.

Aalisakkanik niueqatigiittareerput ukini kingulliusuni. Savalimmiormiut Ruslandimut aalisakkanik tunisaqarnerat aamma ineriartupiloorpoq, soorlu kapisilinnik tunisinerit amerlatsikkiartuinnavissimasut.

Ruslandip niuernikkut suleqatigineqarnerata ineriartortinneqarnissaa Savalimmiuni naalakkersuisunit anguniarneqartuarpoq.

- Niuernikkut suleqatigiinnerup pitsaanerulernissaa suleqatigiinnermi anguneqassaaq, Savalimmiormiut lagmandiat Kaj Leo Holm Johannesen tusagassiuutinut nalunaaruteqarpoq.

Sinniisoqarfimmi Bjørn Kunoy pisortaassaaq. Niuernikkut kulturikkullu paarlaateqatigiittarnerit ineriartorteqqissavai.

Sinniisoqarfik pisortatigoortumik ammarneqassaaq upernaap ingerlanerani.

Reykjavikimi, Londonimi, Bruxellesimi Københavnimilu Savalimmiormiut sinniisuutitaqarput.

Powered by Labrador CMS