video takuuk
Savalimmiormiut Nuuk Centerimi tupaallatsitsisut
Nipilersoqatigiit Savalimmiuneersut aamma Sisimiormiut Atsinnermiut tusarnaartitsiartoqatigalugit Nuummukarput
Ualeq nalinnginnaasoq nipilersoqatigiit Danny & The Veetos højtalereqaratik imaluunniit nalunaaruteqaqqaaratit sivikitsumik Nuuk Centerimi ussassaarillutik nipilersorput.
Savalimmiuneersut nipilersoqatigiit electrofolk-popimik nipilersoriaaseqartut Atsinnermiut Sisimiuneerssut tusarnaartitseqatigiartorlugit Nuummiipput.
Ataatsimut erinniortut
Atsinnermiuni erininarsortup Apunnguaq Schmidtip taalliaanik tunngaveqarlutik nipilersorparput. Nipilersoriaasaat indie, folk aamma rockimik imaqarput, taakkulu siorna Sisimiuni Arctic Sound Festivaleqarnerani tusarnaartut nuannarilluarpaat, maannalu aatsaat siullermik illoqarfitsik qimallugu Katuap inersuaaraani tusarnaartitsissapput.
Nipilersoqatigiit Klaksvíkimeersut Sisimiuneersullu ullut arlaqanngitsut Nuummiinnerminni erinniorsimapput taalliorlutillu. Taanna kingusinnerusukkut illoqarfinni najukkaminni immikkut immiutissavaat, nipilersugartaalu kingusinnerusukkut katiterneqassaaq saqqummersinneqarlunilu.
Ulikkaangajalersoq
Nipilersugaq Kalaallit Nunaannut Savalimmiunullu tunngavoq, tusarnaariartullu aqagu tallimanngornermi Katuarmi ataatsimut tusarnaartitsineranni taaanna tusaassavaat.
Isissutissat nungungajalersut aaqqissuisut oqaatigaat.