Atorfinitsitsineq
Savalimmiormiu instituttimi pisortanngussaaq
Kalaallit Nunaanni Ilisimatusarfik Inuiaqatigiilerinermik, Aningaasaqarnermik Tusagassiornermillu pisortartaarpoq.
nuiaqatigiilerinermik, Aningaasaqarnermik Tusagassiornermillu Ilisimatusarfik, tusagassiornermik inunnillu isumaginninnermi siunnersortitut ilinniarnernik kiisalu inuiaqatigiilerinermik aningaasaqarnermillu ilinniagartuutut ilinniarnernik ingerlatsisoq, pisortartaarpoq.
Savalimmiormiu 1993-imi kandidatinngoramili Savalimmiuni Danmarkimilu ilisimatuutut suliffinni sulisimavoq, aammali suliffeqarfinni namminersortuni sulisimalluni.
- Ilisimatusarfimmi sulinermini ilinniakkamik aqutsisutut sulisimavoq Savalimmiunilu ilisimatusarfiup siulersuisuini ilisimatusarnikkullu siunnersuisoqatigiinni ilaasortaalluni, Tine Pars tusagassiuutinut taama nalunaaruteqarpoq.
Gestur Hovgaard atorfinitsinneqarneranut Tine Parsi ima tunngavilersuivoq:
- Ilinniakkanik pilersaarusiornermik, ilinniakkat akimorlugit ilisimatusarnermik, inuiaqatigiinni inukitsuni masterinngorniarnermik aaqqissuussinermik kiisalu ilisimatusarnerit inernerinik innuttaasunut aalajangiisartunullu pitsaanerusumik apuussisarnermik misilittagai Gesturip atorfimmut toqqarneqarneranut pissutaanerpaapput.