filmilianut nersornaat
Savaatillit pillugit filmeeraliaq nunat tamalaat akornanni nersorneqagaatsiaqqittoq
Portugalimi filmfestivalertoqarnerani Ulannaq Ingemannip filmeeraliaa, Visit Greenlandimit filimiaritinneqartoq, aappaattut inissippoq
Aappariit savaataatillit Lars aamma Makka Nielsenilu pillugit minutsini pingasuni sivisussusilimmik filmeeraliaq, Ulannaq Ingermannimit filimiarineqarlunilu allanngortitserneqartoq, nunat tamalaat akornanni nersorneqaqqippoq.
Art & Tur International Tourism Film Festival Portugalimi ingerlanneqarmat filmeeraliaq immikkoortumi 'Nature and Rural Tourism' 264-init peqataasunit, aappaattut inissippoq.
Atuaruk: Aappariit savaatillit pillugit filmiliaq nersornaaserneqartoq
Visit Greenland, filmeeraliornermi filimiortitsisuusoq, tusagassiuutinut nalunaarummi allappoq.
- Taamatut nunat tamalaat akornanni filmfestivalimi ajugaaneq Ulannap piginnaasaanik kalaallillu nunat tamalaat akornanni nittarsaassinerannik suliaqarnermi paasinninnerujussuuvoq. Unammineq sakkortuvoq, uagullu aningaasanik filmiliornissatsinnut amigaateqarpugut, najukkatsinnilu pinngorartitsisinnaassuserput piginnaasagullu qaffakaatippagut, Visit Greenlandimeersoq Lykke Yakaboylu tusagassiuutinut nalunaarummi oqarpoq.
- “Wow! Takorloornikuunngilara taamatut angusaqassamaarluta. Ukioq manna aappassaa nersornaaserneqarpugut videoliatsinnut, Ulannaq Ingemann, suliartik Kalaallit Nunaat saqqummiunneqarnera avammut aamma allatut soqutigineqalissasoq neriuutigalugu, oqarpoq.
Filmeeraliaq ukioq manna Deauville Green Awards Parisimi ingerlanneqarnerani nersornaatisivoq.
Filmeeraliaq uani takujuk imaluunniit takoqqillugu: