aatsitassat
Savaatillit ernumasut taperserneqartut
Avatangiisinut pingaartitsisut suliniaqatigiiffiata, Noah-p, tupaallannanngitsumik savaatillit Kuannersuarni aatsitassarsiornissamut akerliunerat taperserpaa
Maani nittartakkami marlunngormat eqqaaneqareersutut savaatillik 30-t Narsap Qassiarsuullu eqqaaneersut Namminersorlutik Oqartussanut allakkamik nassiussipput, tassanilu Kuannersuarni aatsitassarsiortoqassappat kingunipilussinnaaneranut ernumanertik ersersillugu.
Maannalu avatangiisit pillugit suliniaqatigiiffimmit Noah-mit taperserneqarput.
Atuaruk: Savaatillit Kuannersuarni suliniut akerleraat
Savaatillit ernumanertik ersersinniarlugu marloriarlutik allakkanik nassiusisimanerisa akineqartarsimannginneri avatangiisinut soqutigisaqaqatigiiffiup uumisuutigaa. Falke Thue Mikaelsen, Noah-meersoq, ilisimatitsivoq namminneq aamma allattaraluarsimallutik akineqassanalilli.
Sermitsiaq normu 13-imi savaatillit Kuannersuarni uranitalinnik aatsitassarsiorfiliornissaq pillugu Nunatsinni pisortanut innuttaasunullu allagaat ilanngunneqarput. Aviisi uani pisiariuk.