Savaaqqanik nersutinillu toqoraaneq naammassilluartoq

Ukiut siuliinut sanilliullugu ileqquusarsimasut malinnagit ukioq manna savaaaqqanik, savanik nersutinillu ukiumoortumik toqoraaneq naammassineqarpoq aatsaat siullermeerluni avataaniit suliartortunik tikisitsinani. Toqoraanermi sulisut 80-it missaat sulisorineqarsimapput.

Tamannalu toqaraaviup pisortaanit iluarisimaarneqarpoq:

- Nuannaarutigivarput sulisussat tamaasa maangaaniit pissarsiarisinnaasimagatsigit, ukiormannalu sulisugut pinngitsoqaratik tunniusimalluinnarlutik toqoraanermut suleqataasimanerat nuannaarutiginngitsoorsinnaanngilarput, toqaraaviup pisortaa Kunuk Albrechtsen oqarpoq.

Atuaruk: Savaaqqat 10.000-nit amerlanerusut toqorarneqartalissapput

Savaaqqat siornamut sanilliullugu ikinnit
Savaaqqat toqoraavimmut apuunneqartut siornamut sanilliullugu 265-nik ikileriartut, savaaqqat agguaqatigiissillugu 110 gramimik oqimaannerupput. Savaaqqallu ikileriarnerannut savaateqarfiit arlallit savanik inuutissarsiuteqarnerminnik unitsitsisimanerannik patsiseqartoq Neqimit oqaatigineqarpoq.

- Sapaatip akunnerata tullianiit naammasseriikkanik nioqqutissiorneq aallartissaaq agguineq
ilanngullugu, naatsorsuutigaarpullu inuit 20-t ukiup sinnerani sulisorissallutigit, Kunuk Albrechtsen oqarpoq.