Nuummi anorersuaq
Sarfaq Ittummi ilaasut anorersuup utaqqitippai
Sinersortaat umiarsualivimmut tulanniarluni anorersuaq pissutigalugu ullaarli utaqqilerpoq. Arctic Umiaq Line maanna aaqqissuussivoq
Sinersortaat Sarfaq Ittuk Nuummut ullaarli tulattussaagaluarpoq, anorersuulli sakkortuup umiarsuaq tulanneq ajulerteqqavaa.
- Umiarsualivimmukarsinnaannginnatta illoqarfiup avataani uninngaqqaartariaqarpugut, piffimmi tassanerpiaq sakkortuumik anorlernera pissutigalugu, pisortaq Jette Larsen Sermitsiaq.AG-mut taama oqaluttuarpoq.
Tamarmik ajunngillat
Naak umiarsuaq ulllaarli orfaagaluartoq, umiarsuarmi ilaasut tamarmik 34-usut tamarmik ajunngitsut taassuma ilisimatitsissutigaa.
Arctic Umiaq Line tallimanngornermi unnukkut arfinernut paasissutisseeqqissalluni neriorsuivoq.
Anorikillinissaata tungaanut umiarsuaq uninngagallassaaq.
Ilaasussat attaveqarfigigaat
Piffissami qaninnermi ilaasussat 120-t missaaniittut Arctic Umiaq Linep paasissutissiillutik aaqqissuusseqqillutillu attaveqarfigiortorpaat.
Aallarnissat kinguartinneqarsimanersoq nalornissutigigukku, imaluunniit paasisaqarnerorusukkuit, umiarsuaateqarfimmut uunga sianernissat kaammattuutigineqarpoq, 34 91 91.
Aamma atuakkit:
Assit takukkit: Nuummi anori aserorterisoq
Atuarfiup qaliaa anorimit katatsinneqartoq
Sermersuumi anorersuarnerani piareersimasoqarpoq
Nuummi sekundimut 62 meterinik anoraasuartoq
Nuummi arlaqartut imeqanngitsut