Skip to main content

Sarfannguup siunissaa eqqanaarneqarpoq

Nunaqarfimmiut takornariaqalernissamut piareersaput, aalisarnermik piniarnermillu misigisassaqartitsillutik.

Sarfannguarmiut akornanni nunaqarfimmut takornarianik ukiuni aggersuni tikittoqartalernissaannut neriuuteqarlutik piareersarput, tassami nunaqarfik Sarfannguit UNESCOp eriagisaanut kulturikkut oqaluttuassartalimmut Aasivissuit Nipisannut ilaavoq.

Kulturikkut oqaluttuat naapertorlugit ulloq manna tikillugu ineriartortinneqartuartumik piniarneq aalisanerlu tamaani ingerlanneqarpoq, tamannalu takornarianut misigisassatut neqeroorutigineqartalissaaq.

Pilersaarusiorneq aallartereertoq

- Qinikkatut ukiuni sisamani qinigaaffitsinni anguniagaraarput takornariaqarnikkut maanna uninngasup aallarnisarnissaa, aningaasassarsiuunnissaa, arlaatigullu takonariaqarnermik immikkooortortaqarfimmik pilersitsinissaq, inerisaanerit, takornariat takkuttalernissaat anguniarlugu misissuissaagut, takonarianik tikittoqartalernissaannut, suliat pilersaarutit aallartimisaareerput, takorluugaraarput inummik sulilersitsitsissalluta, ukiuunerani pilersaarusiorluni, tikittoqaraangat angallassilluni Sarfannguit oqaluttuarisaaneranik saqqummiussisarluni, Paarnannguaq Jonathansen oqarpoq nassuiaallunilu Siriusimut ilaallutik aqqusaartut unnuisarnissaannut periarfissanik pilersitsinissaq misissorneqartoq, inooriaaseq piniarneq aalisarnerlu misigineqarsinnaalerniassammat takornarialerisartussat nunaqarfimmiut pikkorissaqataasut.

UNESCOmi nunaqarsuami eriagisassaatut nunaqarfik Sarfannguit ilanngunneqarnera nunaqarfimmi aqutsisut siulittaasuata nuannaarutigisorujussuuaa, taamatut inissinnermi  iluaqutissat ilagaat Sarfannguani inooriaatsip allanngortinneqarani ingerlaannarnissaa, aamma takornarniaqarnikkut tamanna misigisassanut neqeroorutissatut iluaqutaassasoq.

- Nuannaarutigisorujussuuarput ilanngutsinneqarnerput nunaqarfimmiuulluta, aalisarneq piniarneq pilinerit ingerlaannarnissaat qulakkeertussaavarput kinguaassatsinnut ingerlateqqillugu, Nunaqarfimmi aqutsisut siulittaasuat Paarnannguaq Jonathansen oqarpoq.

Sarfannguani pilersaarutit pillugit Sermitsiami paasisaqarnerugit, aviisimut uani ataani isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER