Sarex-imik sungiusarneq: Umiarsuarmi ajutoornermi marluk ´toqupput´

Ataaseq toquppat tamatigut toqusut ataatsimik amerlavallaartarput.
Kalaallit Nunaanni politimesteri Bjørn Bay oqarpoq.
Qujanartumik ilaasut ´toqusut´ marluk umiarsuarmi takornariartaasuusaartitami ´Artic Victory´-mi, Tunup avannaani ujaasinermik annaassiniarnermillu sungiusarnermi ´Sarex Greenland Sea 2013´-imi.
Pingasunngormat umiarsuaq ´ajornartorsiortoq´ 202-nik ilaasulik 50-inillu inuttalik annaanniarneqarpoq. Tamatumani ilaasoq ataaseq ´toquvoq´, allalu sisamanngormat umiarsuarmi takornariartaammi, umiarsuaq alapernaarsuut ´Vædderen´ umiarsuaasaartinneqarpoq takornariartaat, annertunerusumik ikuallattoqarnerani ´ajunaarpoq´.
Umiarsuup naalagaata ajunaalernermik kalerrisaarinerata kingorna nunanit arlalinnit annaassiniartartoqatigiinnik umiarsuarmut aallartitsisoqarpoq, taannalu sungiusarnermi - piviusumillu - Tunup avannaani Nunani Allanngutsaaliukkami Kong Oscar Fjordimi Ella Ø-p avataaniippoq.
Atuaruk: "Sarex-imik sungiusarneq: ´Arctic Victory´ mayday-mik nassiussivoq
Atuaruk: "Sarex-imik sungiusarneq: Ilaasut maqaasineqartut ajunngitsut nassaarineqarput"
Atuaruk: "´Arctic Victory´-p ilaasut 12-it maqaasivai"
Piviusorpalaartoq
Kigaallassaaserlutik annaassiniartartut, qatserisartut nakorsallu umiarsuarmut takornariartaammut ikipput, tamatumalu kingorna Kalaallit Nunaanni Politiit, upalungaarsimasut annaassiniartartullu allat nunanit arlalinneersut Ella Ømi ´ikilersimasut´ ´toqusullu´ passuppaat, kingrnalu helikopterimik siullermik Mestersvigiliaateriarlugit Reykjavikimut timmisartuullugit. Islandimi napparsimmavik ilaasut ikilersimasut tigunissaannut piareersimavoq, tamakkualu tassaapput Politiinngorniarfimmi ilinniartut aamma Kalaallit Nunaanni Politiini sulisut.
Atuaruk: "Nunat immikkoortoqatigiinnik makkuninnga atuisitsipput"
Sermitsiaq.AG-p ulluni aggersuni sungiusarnermit allaaserinnittarlunilu assinik takutitsisassaaq, teknikkikkut periarfissaqaraangat.
Sarex 2013-imit allaaserisat tamaasa atuakkit