SAREX 2013
Sarex-imik sungiusarneq: ´Arctic Victory´ ajunaalernermik kalerrisaarivoq
Umiarsuaq takornariartaat Tunup avannaani ajornartorsioqqilerpoq. Paasissutissat ikittuinnaapput
Sarex-imik sungiusarneq:
Mayday, mayday.
Pingasunngormat ullaakkut umiarsuaq takornariartaat ajornartorsiortoq taamatut kalerrisaarivoq, naatsortsuutigisariaqarporlu erloqinartumik ajornartorsioqqilersimasoq, pissutsit pillugit maannangaaq paasissutissat killilerujussuugaluartut.
XXXXX-ILLI umiarsuaq ajornartorsiortoq 150-it missaannik issimasulik ornippaa.
Issittumi Sakkutoorfiup ajunaalernermik kalerrisaarut tusarpaa kitaata nalunaaqutaa malillugu nal. 06.02.
Atuaruk: "Sarex-imik sungiusarneq: Ilaasut maqaasineqartut ajunngitsut nassaarineqarput"
Atuaruk: "Sarex-imik sungiusarneq: ´Arctic Victory´-p ilaasut 12-it tammaavai"
´Arctic Victory´ maanna Tunup avannaani Kong Oscar Fjord-imi Mestersvig-ip avataaniippoq, umiarsuarlu takornariartaat ataasinngormat marlunngormallu silarlunnera pissutigalugu aamma ajornartorsiorpoq, tamannalu pissutigalugu ilaasut 12-it angallallu annanniut annaasimallugit, qujanartumilli taakkua islandimiut sinerissami alapernaarsuutaannit ´Tyr´-imit nassaarineqarput. Tamanna pivoq kitaata nalunaaqutaa malillugu marlunngormat ullo´qeqqanut, Nunami Allanngutsaaliukkami Kong Oscar Fjordip pulammagiaani.
Atuaruk: "Sarex-imik sungiusarneq: ´Arctic Victory´ suli tammaaneqarpoq"
Atuaruk: Sarex-imik sungiusarneq: Umiarsuaq takornariartaat ´tammaaneqartoq´
Sermitsiaq.AG-p marlunngormat allanneratut ilaasut 12-it nassaarineqaramik ajunngillat, ´Arctic Victory´-mullu ikeqqinneqarput, taannalu pilersaarutit malillugit Svalbard-imit Island aqqusaarlugu Ittoqqortoormiinut ingerlaartussaavoq.
MALUGIUK - MANNA SUNGIUSARNERUVOQ: Allaaserisaq manna sungiusarnermik takorluukkersaarutaavoq, sapaatip akunnerani matumani ataasinngornermit tallimanngornermut nunat tamalaat ujaasinermik annaassiniarnermillu sungiusarnerat ´Sarex Greenland Sea 2013´, Tunup avannaani Kong Oscar Fjord-imi ingerlanneqartuusaartinneqartoq. Umiarsuarnik takornariartaatinik ilaasunilluuniit iluamik ajornartorsiortoqanngilaq.
Sermitsiaq.AG-p tusagassiortua umiarsuarmut alapernaarsuummut ´Vædderen´-imut ilaavoq, sungiusarnermilu tassani taanna tassaasuusaarpoq umiarsuaq takornariartaat ´Arctic Victory´.
Sarex 2013-imit allaaserisat tamaasa atuakkit