SAREX-imik sungiusaqatigiittoqaqqissaaq
Ukioq manna SAREX-imik sungiusaqatigiinnermi Tunumi Kong Oscars Fjord aallaavigineqaqqissaaq
Sarex 13, ukioq manna ujaasinermi annaassiniarnermilu sungiusaqatigiinneq Grønlandshavimi Kong Oscars Fjordimilu septembarip aappaaniit arfernanut 2013-imi ingerlanneqassaaq.
Nunatsinnit Danmarkimillu nunallu tamalaat akornanni oqartussanit tungaannit peqataanissaq eqqarsaatigalugu aalajaatsumik pissuseqartoqarnera Issittumi Sakkortooqarfimmit oqaatigineqarpoq, Sakkutooqarfiullu najoqqutassatut aallarniutaasumik suliarisimasaani umiarsuarmik takornariartaammik ajutoornernik ajoqusernernillu arlalissuarnik malitseqartumik ikkarlissimasumik ujaasineq pineqartoq.
Inuttat ilaasullu taamaalillutik annaanniarneqartariaqassapput umiarsuullu takornariartaatip orsussaasiviinit imaanik mingutsitsisinnaaneq iliuuseqarfigineqassalluni, taamaattumillu nunatsinni Danmarkimilu nunallu tamalaat akornanni oqartussat aamma peqataatinneqartariaqarlutik.
Sungiusaqatigiinnissamut soqutiginninneq annertooq Issittumi Sakkutooqarfimmit soorunami nuannaarutigineqarpoq, taamaattorli sungiusaqatigiinnerup septembarimi pinnginnerani annikitsualuppassuarnik suli inissinniagassaqartoqarnera erseqqissaatigineqarluni. Sungiusaqatigiinnissamullu pilersaarutit juunip 2013-imi aallartinnerani inaarutaasumik suliarineqareerlutillu nassiussuunneqarnissaat suli pilersaarutit malillugit anguniagaavoq.