Sara Olsvig: Politiit sukkanerusumik qisuariartassapput

Meeqqat angerlarsimaffimminni erngertumik ikiortariaqartillugit, Nuummi isumaginninnikkut aqutsisoqarfik arriippallaamik qisuariartarpoq.

Nakkutilliinermit nalunaarusiaq Kommuneqarfik Sermersuup meeqqanut sulianik ingerlatsineranik isornartorsiortoq taama naqissusiivoq.

Politiinik suleqateqarnerup ajortumik ingerlanera ajornartorsiutit ilagaat.

- Sulianik ataasiakkaanik misissuinermi aamma politiineersunik isumaginnittoqarfimmeersunillu tassanngaan-nartumik imaannaanngitsorujussuarmillu suliaqarnermik malitseqartitsinermut atatillugu oqaloqateqarnermi, nakkutilliisunut ersarissivoq, maanna suleqatigiinneq illersorneqarsinnaanngivissortoq, nalunaarusiaq naqissusiivoq.

Tassanilu kommunit kisimik ajornartorsiutaanngitsut, isumaginninnermut naalakkersuisoq Sara Olsvig (IA) isumaqarpoq.

- Noget af det, der bekymrer mig meget i den rapport er, at det faktisk ikke kun i forhold til kommunen, at vi sidder udfordringer, siger hun til Sermitsiaq.AG.

Akisussaaffimmik agguaaneq ersernerluttoq
Politiit aamma isumaginninnermik aqutsisoqarfiup suut akisussaaffigineraat ersernerluttoq, nalunaarusiap naqissuserpaa. Assersuutigalugu suliami aalajangersimasumi politiit kisimik timikkut pissaanermik atuisinnaasut paasisimaneqarsimanngilaq.

- Meeqqanut tunngatillugu erseqqissumik politiinut oqariartuutigerusuppara, ingerlaannaq qisuariartoqartarnissaa iluarsineqassasoq, Sara Olsvig (IA) oqarpoq.

Aamma atuakkit:

Nakkutilliinermit nalunaarusiaq: Nuummi meeqqat pisariaqartitsinerpaat sumiginnarneqartarput

Meeqqat inuunermik ulorianartorsiortillugit sumiginnakkat