illersornissaq
Sara Olsvig: Maannakkut sakkutooqarfiusimasut iluarsaanneqassapput
Folketingimi ilaasortap Inuit Ataqatigiinnilu siulittaasup danskit illersornissamut ministeriat ataatsimeeqatigeqqammerpaa
Sakkutooqarfiusimasuni sukkanerusumik torersaasoqarnissaa Sara Olsvigimit piumasaqaatigineqarpoq. Tamanna danskit illersornissamut ministeriannik Nikolaj Wammenimik ataatsimeeqateqarnermi aamma ilaatinneqarpoq.
Issittumi Sakkutooqarfik Nuumut nuunnginnermi Kangilinnguani inissisimagaluarpoq. Tassani sakkutuut atortorisimasaat torersarneqassasut piumasaqaatigineqarpoq.
Mingutitsineq
-Mingutitsineq annertuvoq. Sakkutooqarfiusimasumi tamakku iluarsaanneqarnissaat ministerimik oqaloqateqarninni oqaatigaara. Tassunga tunngatillugu aamma amerikarmiut suleqatigineqassasut kaammattuutigaara, Sara Olsvig tusagassiutinut nalunaarummi oqarpoq.
Sakkutooqarfiup Issittumi iliuusissai pilersaarusiorneqareerput. Inatsisartut Naalakkersuisullu suleqatigineqarnissai Sara Olsvigimit kaammattuutigineqarpoq.
- Tamakku pillugit Inatsisartut Folketingilu suleqatigineqarnissaat pingaaruteqarluinarpoq. Taamaattumik illersornissaq pillugu ministeri Nikolaj Wammen kaammattorpara paasissutissat Inatsisartunut paasissutissiisoqassasoq, Sara Olsvig oqarpoq.