isumaginnittoqarfik
Sara Olsvig angalassaaq
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoq Sara Olsvig isumaginninnermut tunngasunik oqaloqatiginnissalluni Qaasuitsup Kommunianiik angalanissani aallarnerpaa.
- Naalakkersuisut suliniutaanut suliaanullu tunngatillugu sulianik isumaginnittartunit, ulloq unnuarlu paaqqinnittarfinnit ilaqutariillu ornittagaanit immersorneqarnissaq pingaartittorujussuuara. Isumaginninnermik sulialin-nik innuttaasunillu isumaginninnermut tunngasunik suliaqartartunik taamaasillutillu pingaarutilerujussuarnik ilisimasaqartunik oqaloqateqartarnissaq politikeritut sulinitsinni pitsanngorsaaniarluta suliatsinnut ilannguttariaqartakkatsinnik oqaloqateqartarnissaq pingaarutilerujussuuvoq, Sara Olsvig tusagassiuutinut taama nalunaaruteqarpoq.
Sapaatip akunnerata naanerani Sara Olsvig Inuit Ataqatigiit ukimoortumik ataatsimeersuarneranni siulittaasutut ingerlaqqippoq, masskkulli illoqarfiit uku ornissallugit pilersaaruteqarpoq:
Ilulissat
Upernavik
Uummannaq
Qeqertarsuaq
Qasigiannguit
Angalanermut atatillugu innuttaasunik ataatsimiititsisoqartassaaq, paaqqinnittarfiit, isumaginninnermut allaffiit ilaqutariillu ornittagaat il.il. pulaarneqartassasut paasissutigineqarluni.