SAR-beredskabet

SAR-imik upalungaarsimaneq nukittorsarneqassaaq

Pitsaanerusumik ataqatigiissaarinikkut Nunatsinni upalungaarsimaneq nukittorsarneqassaaq. Tamanna psisaaq illersornissamut ministereqarfiup ukiut nikinneranni immakkut annaassiniarnermut timmisartumillu annaassiniarnermut SAR-imut akisussaaffik tiguppagu

Kalaallit Nunaanni upalungaarsimaneq piuminarsarniarlugu nukittorsarniarlugu aalajangiunneqarpoq illersornissamut ministereqarfiup 2014-imi januaarip aallaqqaataanit immakkut annaassiniarnermik timmisartumillu annaassiniarnermik, Search and Rescue, SAR-imik, akisussaaffik tigussagaa. Tamanna pissutigalugu illersornissamut ministereqarfimmut siunissami upalungaarsimanerup ataqatigiissarnera ajornannginnerulissaaq.
Tamanna peqatigalugu aalajangiunneqarpoq Kalaallit Nunaanni ujarlernermut annaassiniarnermullu upalungaarsimanermut helikopterimik annanniummik piareersimatitsissasoq. Maanna helikopterimik annaassiniarnermut upalungaarsimaneq, aningaasarsiutigalugu neqeroorutilimmik isumaqatigiissummik tunngaveqartoq, allannguinikkut eqqorneqassanngilaq. Kiisalu Nuummi Issittumi Sakkutooqarfimmi ataatsimut annaassiniarnermut centerimik pilersitsisoqassaaq. Naatsorsuutigineqarpoq annaassiniarnermut centeri, immakkut timmisartukkullu annaassiniarnermik ataqatigiissaarisussaq, 2014-imi oktobarip aallaqqaataani piareersimassasoq.
– Issittumi suliassat aaqqinneqarnissaat naalakkersuisut sammisorujussuuvaat, Sakkutuullu Issittumi suliassaasa annertuumik misissuiffigineqarnissaannik siunnersuuteqaqqammerpugut. Misissuineq aallartinngitsorluunniit qularutiginngilara Issittoq siunissami pingaaruteqaleraluttuinnassasoq, aamma sakkutuut suliassaat eqqarsaatigalugit. Taamaattumik pitsaasuuvoq Kalaallit Nunaanni immakkut silaannakkullu annaassiniarnermut SAR-imut akisussaaffik illersornissamut ministereqarfiup tigummagu. Allannguinikkut aaqqissuussinermik pilersitsivugut, Kalaallit Nunaanni pisartorpassuit Issittumilu unammilligassarpassuit isumaginissaannut pitsaanerusumik piareersimalerluta, illersornissamut ministeri Nicolai Wammen oqarpoq.
Tassa imaappoq, illersornissamut ministereqarfiup 2014-mi januaarip aallaqqaataanit Nunatsinni immakkut annassiniarneq inuussutissarsiornermut ineriartornermullu ministereqarfimmit tigussavaa aammalu silaannakkut annaassiniarnermut akisussaaffik assartuinermut ministereqarfimmit tigussallugu. Umiarsuit timmisartullu atortulersornerat kiisalu inuttat ilinniagaqartinnissaat suli inuussutissarsiornermut siuariartornermullu ministereqarfiup aamma assartuinermut ministerqarfiup akisussaaffigaat.

Powered by Labrador CMS