Saqqummersitsinerup suilffissaaleqisut inuusuttullu sulilersinneqarlutillu ilinniagaqarnissamut aallartisinneqassapput

Suliffeqarfiit ilinniarfeqarfiillu amerlasuut sisamanngornermi Paamiut katersortarfiani Taqqissuuni suliffeqarneq ilinniartitaanerlu pillugit tuniniagassanik neqeroorutinillu saqqummersitsinissaminnut katersuutissapput, Kommuneqarfik Sermersooq ilisimatitsivoq.

Ukiut pingasut matuma siorna
Inuusuttut, suliffissaaleqisut, suliffeqarfiit ilinniarfeqarfiillu akornanni iluatsilluartumik ataqatigiilernerat aaqqissuussinikkut ukiut pingasut qaangiummata kingullermik pivoq.

Sisamanngorpat aatsaat siullermeerluni Paamiut avataaniit peqataatitsisoqassaaq.

Siunertat marluusut
- Aaqqissuussinermi siunertat marluupput. Ilinniartitaanerup suliffeqarnerullu iluani illoqarfimmi inuusuttut suliffissaaleqisullu immersorniarlugit aaqqissuussaq una ingerlatissavarput. Tamatuma peqataanik ulloq taanna suliffeqarfiit ilinniarfeqarfiillu najugaqartunut ersinnerulernissaat neriuutigaarput aammalu suliffeqarfimmi suliffeqalerniaraanni imaluunniit ilinniakkamik aallartitaqarniaraanni suut pisariaqarnersut nassuiaasinnaassasut, Paamiuni Piareersarfimmi pisortaq, Peter Røddik, taama oqarpoq.

Periarfissanik paasisaqarneq
- Inuusuttuaqqat 8., 9. aamma 10. klassimi atuartut tamatuma kingorna naliliinerminni ilinniarnertuunngorniarnissamut inuussutissarsiutinullu ilinniagaqarnissamut qanoq ingerlariaqqittoqarsinnaanersoq paasisimallugu allaaseralugu taama iliorneq iluatsittarpoq. Neriuutigaarputtaaq suliffeqarfiit uatsinnut nalunaaruteqarnerminni soqutiginnittunik arlalinnik oqaloqateqarluarsimanissaat, aammalu ukiut pingasut matuma siornarnit takkuttut amerlanerussasut, ilanngullugu taanna oqarpoq.

Maannamiit ukioq allortarlugu aaqqissuussap ingerlattarnissaa angnuniarneqarpoq.