Udstilling
Saqqummersitsineq Sikumi saattumi
Norskit saqqummersitaata 'On Thin Ice'-p umiarsuup ilisimatusaatip ukiup affaani sikkussaaqqanera takutippaa. Saqqummersitsineq ulluni makunani Ilisimatusarfimmi takuneqarsinnaavoq.
Norskit aallartitaata Ingvard Havnenip ippassaq saqqummersitsineq 'On Thin Ice' ammarpaa.
Saqqummersitsineq ingerlaartitaq Norsk Polarinstitutip Tromsømi universitetimeersup suliaraa.
2015-imi januaarimit aasaanera tikillugu norskit isuttumi umiarsuaat ilisimatusarnermi atorneqartartoq «Lance» Issittumi sikkussaaqqavoq.
Umiarsuarmi ilisimatusartut nunarsuarmi nunanit arlalinneersut, Issittumi silaannaap pissusaata allanngoriartornera paasilluarnerujumallugu, sikumi pissutsinik ilisimatusartut ilaapput.
Pappiararsuit atorlugit umiarsuarmiinneq saqqummersinneqarlunilu ilisimatuarnermi siumorneqartut uppernarsaasersorneqarput.
Saqqummersitsinerup ammaneqarneranut peqatigitillugu Nuummi Bergenimilu universitetit suleqatigiinnissamut isumaqatigiissut atsiorpaat.