Nuuk
Saqqummersitsineq: Tæppit allapalaakkat Tunumeersut
Nunatta Katersugaasivia tæppit allapalaakkat Tunumeersut tallimanngornermi saqqummersilissavai
Nunatta Katersugaasivia immikkut ittumik tallimanngornermi saqqummersitsilluni aallartissaq, tassani saqqummersinneqassapput tæppit allapalaakkat Tunumeersut Anne-Mette Holmimit suliarineqarsimasut.
Anne-Mette Holm Kulusumi ukiuni arfineq-pingasuni 2005-imiit 2013-imut najugaqarsimavoq, qamuunalu tunumiut kulturiat, pinngortitaq ileqquinillu sunnerteqqaffigalugit.
Taama Nunatta Katersugaasivia tusagassiuutinut nalunaaruteqarluni allappoq.
Tæppit allapalaakkat saniatigut marraap allarutaanik arfinilinnik kalaalerpaluttunik assitalersukkanik ilusilersuisimavoq, taakku katersugaasiviup pisiniarfiani tuniniagaapput.
Saqqummersitsinermut alakkaasut Anne-Mette Holm arfininngornermi sapaammilu nalunaaqutaq 13 aamma 15-ip akornanni naapissinnaavat eqqumiitsuliai pillugit oqaloqatigalugu.