ilisimatusarneq

Sapiissuseq inunnguusaasimasinnaavoq

Tamanna minkini atuuppoq. Tamanna aamma inunnut atuunnerluni?

Danskit ilisimatuut Københavns Universitetimit aamma Bispebjerg Hospitalimeersut sianiutini cellet qaratsami amygdalamik taaneqartartumi amerlassusaasa ataqatigiinnerannik minkini nassaarput.

Minkit amygdalaminni sianiutiminni celleqarnerusut peqannginnerusunit sapiissuseqarnerusarput. Videnskab.dk taama allaaserisaqarpoq.

Sianiutini cellet qaratsap immikkoortuani tassani aalajaatsuusorineqarmata, minkit sapiissutsiminnik inunnguuseqartut misissuinerup takutippaa. Ilisarnaataasa ilaat aamma inunnguusaapput.

Ilisimatuut minkit periusaannik misissuisimapput, kingornalu qarasaat misissorlugit. Misissuineq ilisimatuussutsikkut atuagassiami Brain Structure & Functionimi saqqummiunneqarpoq.

Aamma Videnskab.dk-mi atuaruk: Se vulkanen Etnas dramatiske udbrud

- Cellet amerlassusaat sapiissutsimut annikillisaatitut sunniuteqartassagunik tupaallannartorujussuussaaq, Esther Kjær Needham, Biologisk Institut ved Københavns Universitetimeersoq oqarpoq, taanna misissuinermi ilisimatuut ilagaat.

Sianiutini cellet amerlassusaasa aamma kinaassutsimut ilisarnaatit akornanni ataqatigiissutsimik aatsaat ilisimatuunit nassaarinnittoqarpoq.

Minkit ilisarnaataasa ilaat qaratsami cellenit inunnguusaasunit aalajangerneqarsimasinnaavoq. Tamanna kingornussisarnerup avatangiisillu tarnip ineriartornera oqaluuseritillugu tamanna inunni atorsinnaava?

Powered by Labrador CMS