Biilinik tillinniat?
Sapiiserlutik marsertartut aputini takuneqarsinnaapput
Nuummi biiliutillik mianersoqqusipput tillinniat biilit igalaavatigut marsertarsoralugit.
Nuummi najugaqarfiit ilaanni biilit iluini nalituunnik ujaasisoqartarsimasinnaarnera takussutissaqarpoq.
Unnukkummi bilit kaajallanneqarsimapput ingalaavilu aputaajarlugit iluani nalituunik peqarsoralugu marserneqarsimasut assiliisoqarsimavoq.
- Illoqarfimmi tamaani marsertartunik/tillinniaasinnaasunik assit uppernarsaapput! Tamaani biilit uninngasut tamarmik taama pineqarsimapput. Aamma matui ammarneqariaraluarsimasut takusinnaavarput. Apeqqammernerata tamanna takutippaa. Facebookimi gruppit ilaanni assinik ikkussisimasoq, Vera Egede sissueqqusivoq.
Illoqarfimmi sumiiffinni arlallinni periaaseq taanna atorneqarpoq
Ippassaq gruppimut ikkussara arlalinnit qisuariarfigineqareerpoq.
- Amiilaarnaq! Eqqaralaannguani najugaqarpunga uanga aamma biilinga taama pineqarsimavoq, ilaatigut taama allattoqarpoq.
Gruppimi ilaasortat allat marluk aamma biilitik tillinnianit marserneqarsimasut oqaatigaat.
- Aasit Nuummi tillinniat ulapileqqissimanerat assut tujorminarpoq. Tillitassarsiorlutik biilit igalaavinik arlaannilluunniit ilaatigut aseruisarput naak nalituunik peqanngikkaluartoq. Piginnittunut akisoorujussuuvoq, Vera Egede Sermitsiaq.AG.-mut taama oqarpoq.