Piniarneq

Sapaatip-akunnerata tulliani ukiuunerani aavarnermut makitsineq

Nuummi Paamiunilu aqutsisoqarfimmi inuussutissarsiutigalugu piniartunut tuttunniarnissamut akuersissutit tallimanngorpat tulliani makitsissutigineqassapput

Kommuneqarfik Sermersuup aqutsisoqarfiini Nuummi Paamiunilu ukiuunerani tuttunniarneq arfininngornermi februaarip 18-anni aallartissaaq.

Inuusutissarsiutigalugu piniartut ukiuunerani aavarsinnaatitaapput, taamaattumik akuersissummik qinnuteqarniaraanni piniarnermut allagartaq atuuttoq pisariaqarpoq.

Qinnuteqaat kingusinnerpaamik 15. februaari 2017 nalunaaqutaq 15.00 kommunimut nassiunneqareersimassaaq.

Akuersissutit piniarfiit ilaanni makitsisoqarneratigut agguaanneqassasut naatsorsuutigalugu, Kommuneqarfik Sermersooq tusagassiuutinut nalunaarummi allappoq.

Tamanna 17. februaari pissaaq.

Nuummi, Kapisilinni aamma Qeqertarsuatsiaani inuussutissarsiutigalugu piniartut Piniarfik 3, Piniarfik 4 aammalu Piniarfik 5-imut qinnuteqarsinnaapput, inuussutissarsiutigalugu piniartut Paamiuneersut Arsummeersullu Piniarfik 6 aammalu Piniarfik 7-imut qinnuteqarsinnaallutik. (Faktaboks takuuk)

Powered by Labrador CMS