futsal
Sapaatip akunnerata naanerani Nuummi futsalimik unammisoqassaaq
Sapaatip akunnerata naanerani uani Grønlandsbankip futsal-cup-ia Nuummi ingerlanneqassaaq
Annonse
Arfininngornermi sapaammilu Nuummi timersortarfissuarmi Inussivimmi futsal cup annertooq ingerlanneqassaaq.
B-67-ip arsaattartunut immikkoortoqarfiata spronsoriatalu Grønlandsbankip nutaamik suleqatigiilernerannut atatillugu meeqqat inuusuttullu, U6-iniit U18-inut, unamminerit 60-it sinneqartut ingerlatissavaat.
Unamminermi sungiusarneq pisariaqarpoq
– Futsal Kalaallit Nunaanni siuariartupiloortorujussuuvoq, timersuutillu aallutiinnarnissaanut unammilluni sungiusartarnissaq pisariaqarpoq. Taamaattumik nuanneqaaq meeqqat inuusuttullu arsaannikkut ineriartortinnerannut aningaasaliisorput peqataammat, B-67-imi arsaattartunut immikkoortoqarfimmeersoq Finn Meinel oqarpoq.