Arsaalluni EM
Sapaat sioqqullugu: Nunat avannarliit ministeriisa Island illersorpaat
Politikerit ataatsimiikkaangamik aamma ilaanneeriarlutik arsaanneq eqqartortarpaat
Nunat avannarliit ministeriisa Københavnimi ataatsimiinnissaanni EU pingaarnerusutut oqaluuserineqartussaagaluarpoq.
Tassanili aamma Islandip arsaattartui sukalasuut eqqaaneeqarput eqqaaneqarput.
Europalu pillugu oqallinneq pimoorunneqarpallaalertinnagu islandimiut aallartitaasa inimi nuannisaqatigiinneq qaffatsiallappaat.
Illersussavassi
Aallartitat ataatsimiigiarnerminni nassarsimavaat islandimiut erfalasorujussuat, tamarmillu unamminermi suaartaataat suaartaateqatigaat, islndimiullu sapaatiuppat Frankrigimut unamminissaanni iluatsitsilluarnissaannik kissaallugit.
Aamma qanittukkut Sisimiuni illersuisoqarpoq Island aamma Tuluit Nunaat unammimmata.
Tassaavoq ataqatigiinneq, nunani avannarlerni suleqatigiinnermut naalakkersuisoq Doris Jakobsen (S) oqarpoq.
Nuummi isiginnaaqatigiinneq
– Nunani avannarlerni apeqqutini sorpassuarni tapersersoqatigiittarpugut. Aamma arsaattoqaraangat. Soorunami Islandimiut tullianik unammilerpata illersussavagut, taanna Sermitsiaq.AG-mut oqarpoq.
Sapaatiuppat Hotel Hans Egedep Nuummilu Den Islandske Foreningip arsaanneq storskærmikkut isiginnaartissavaat.