Kiassarneq

Sanilivit radiatori tamakkersortikkaangagu akiliuttarpat

Demokraatineersup Michael Rosingip piumasaraa inissiat tamarmik immikkut kiassarnermut uuttortaaserneqassasut, taamaasilluni attartortup nammineq atukkani kisiat akilertalissallugu

Demokraatineersup Michael Rosingip piumasaraa inissiat tamarmik kiassarnermut uuttortaaserneqassasut, taamaasilluni attartortup nammineq atuinini kisiat akilertalissallugu

Kiassarnermut immikkut uuttortaateqalernissaq ukiorpassuarni oqallisaasimavoq - Demokraatineersullu Michael Rosingip Inatsisartut upernaakkut ataatsimiinneranni tamanna saqqummiuteqqippaa.

– Ajornartorsiutaavoq attartortorpassuit kiassarnermut aningaasartuutit avittarmatigit, pissutigalugu tamatumuunakkut najugaqartut ataasiakkaat kiassarnermut sipaarusussuseqarnerat inissiaminnillu kiassaruminartitserusunnerat annikillisinneqarmat.

– Allatut oqaatigalugu periuseq maanna atuuttoq avatangiisinut attartortullu ataasiakkaat aningaasaqarnerannut ajoqutaavoq, Michael Rosing tunngavilersuivoq.

Imatut sipaartoqassaaq

Taassuma innersuussutigai misissuisimanerit, tamatumuunakkut takutinneqarsimalluni attartortut namminneq atuinerninnik malinnaanermikkuinnaq 20 procentimik atuinikinnerusartut. Misissuinerit allat takutissimavaat uuttortaammik ikkussinerinnakkut 10-40 procentimik sipaaruteqartoqartartoq.

Inissiani pisoqaanerusuni amerlanerpaani A/S Inissiaatileqatigiiffik INI-p kiassaateqarfinnit ataasiakkaanit kiassarnermut akiliutissat attartortunut agguartarpai inissiat angissusaat malillugu - inissiami atuineq malinnagu.

Oqaluttuaq tamaat Sermitsiami sapaaitp akunnerani saqqummersumi atuaruk. Aviisi pisiarisinnaavat uani:

Powered by Labrador CMS