Monday, June 19, 2017 - 06:06

Sanaqqittoqarnerani Vædderen ikiuutissaaq

Assi.: Søren Duran Duus
Illorsuit aamma Niaqornat maanna qimagussortitsiffigineqareerput

Umiarsuaq alapernaarsuut Vædderen Niaqornanut nakkutilliiartorluni utissaaq, tassani qaqqap sisoornissaanik aarlerisoqarpoq.

Qaqqap malissuarmik pilersitsilluni Nuugaatsiamik eqquisup sisoorfiata eqqaani taanna sisooriaannaq inissisimavoq.

Qaqqamik sisoortoqaqqinnissaanut aarlerinartoqarnerata upalungaarsimasut Illorsuit aamma Niaqornat qimagussortitsiffiginiarlugit unnuaq aalajangerput.

Niaqornani innuttaasut maanna qulimiguulimmik umiarsuarmut alapernaarsuummut Vædderenimut pisinneqareerput.

Taakku ilaat umiarsuarmut alapernaarsuummut Ejnar Mikkelsenimut ingerlanneqassapput.

Tamatuma kingorna Vædderen Uummannarmut ingerlassaaq, Ejnar Mikkelsenilu Aasiannut ingerlassalluni.

Uummannamut qimagussortitsineq naammasseriarpat, Vædderen avannamut Nuugaatsiamut ingerlaqqissaaq. Ullaaq manna innaq nakkutigilissavaat, tassani sisoortoqaqqinnissaanut aarlerinartoqarneranik naliliisoqarsimavoq.

Vædderen aamma Niaqornani sanaqqittoqarnerani ikiuutissaaq.

Sumiiffimmi nunaqarfiit sisamat aarlerinartoqarneranut naliliiffigineqarnerisa kingorna, Ikerasak, Saattut, Ukkusissat aamma Qaarsut qimagussortitsiffiginiarnagit aalajangiunneqarpoq.

Taakkunanili Innuttaasut immap ulittarnera suli maluginiarsarissavaat.

Seneste nyheder / Nutaarsiassat kingulliit