sanaartorneq

Sanaartorneq kommunit kattunnerisa kingorna appariapiloortoq

Avannaani annertuunik sanaartugassaqanngilaq, inuussutissarsiornerlu ilungersunartorsiorfiusoq ukiuni kingullerni erloqissutilerujussuusimavoq. Pitsanngoriartoqarnisssaalu neriunartoqanngilaq, Ole Sørensen Lasømeersoq naliliivoq

Assi toqqorsivimmit

Ole Sørensen, Upernavimmi najugaqartoq, suliffeqarfimmik Lasø A/S-mik Uummannami Upernavimmilu sanaartortartut suliffeqarfiisa annersarisaannik pilersitsisuullunilu piginnittuuvoq. Taanna siunissaq pillugu annertuumik ernumassuteqarpoq. Siunissaq suliffeqarfimmut neriulluarnartoqanngivissoq, kommunit 2009-mi kattussuunneqarnerisa kingorna suliffeqarfiup sulisorisai maannakkumut affai sinnerlugit suliunnaartinneqarsimammata, sanaartugassallu unittooqqaneri pissutaalluni suliffeqarfiup isertitai annertuumik appariarsimallutik.

Siornatigumulli sanilliullugu Ole Sørensenip Uummannani sanasutut tikisitatut sulereernermi kingorna, Lasø A/S 1973-imi pilersimmaguli pissutsit allarluinnaasimagaluarput.

Suliffeqarfiutitaavata siullermik sanaartugassat, cementilerineq uuliamillu tuniniaaneq ingerlappai, suliffeqarfinnillu allanik sanaartornerup iluani unammillerteqaraluarluni suliassaaleqinngilaq. Piffissami tamatumani Avannaani Kalaallit Nunaatalu sinnerani suliassaaleqisoqanngilaq, taamaattumillu Lasø A/S 1970-ikkut naajartorneranni Uumannami 30-t missaannik sulisoqarluni.

Suliffeqarfik 1980-ikkut ingerlaneranni suliassat amerlatsikkiartornerat ilutigalugu alliartorpoq.

Lasø A/S-ip 1990-mi Upernavimmi immikkoortortaqalernissaanut aningaasatigut tunngavissaqalerpoq, taannalu ukioq taanna atoqqaartinneqarluni. Lasømit Upernavimmi ilaatigut pisiniarfiit, illut sanaartugassallu assigiinngitsut suliarineqarput, ulapaarnerlu aningaasanik amerlanerujartortunik kaaviiaartitaqalernermik kinguneqarmat, maskiinanut illunullu suliffeqarfiup allilerneqarnissaanut attuumassuteqartunut aningaasaliinerit annertusiartortinneqarlutik.

Piffissarli ingerlalluarfiusoq politikkikkut kommunit kattussuutsinneqarnissaat pillugu aalajangiinerup kingorna allanngorluinnarpoq.

Allaaserineqartoq tamaat aviisimi Tamanut Avannaanimi atuarneqarsinnaavoq. Qaasuitsup Kommuniani pisartut assigiinngitsut pilugit aviisimi assigiinngitsunik aamma atuartoqarsinnaavoq. Aviisi akeqanngitsumik ataani aaneqarsinnaavoq:

Powered by Labrador CMS