mingutsitsineq
Sakkutooqarfikumik saliinissamut atsiornernik 2.500-nik katersiniartoq
Amerikamioq assiliisartoq Amerikamiut sakkutuuisa eqqagaannik orsussaataannillu saliisitsiniarluni atsiornernik katersinnermik aallartitsivoq
Aasat marluk ingerlanerini Ken Bower, assiliisartoq USA-meersoq kangerlummut Ikatermut, Tasiilamit 50 kilometerinik ungasissusilimmi avannaata kangianiittumut uteqqittarsimavoq.
Tassani taassuma Bluie East 2-mi qimatat assilisimavai, taanna Amerikamiut timmisartunut Kalaallit Nunaanni sakkutooqarfippassuisa ilagisimavaat.
Nappartarpassuit orsussanik imallit
Tunumi mittarfeqarfikoq ukiuni 1942-mit 1947-p tungaanut atuussimavoq, ullumikkullu eqqagassanik tassaniittoqarpoq.
- Suna tamarmi qimanneqarpoq, sakkutuut biilii, nappartat 10.000 sinneqartut timmisartut orsussaannik imallit, Ken Bower Informationimut oqarpoq.
Informationimi atuaruk: USA's rustne arv i Grønland
Maani nunatsinni eqqakkat ulorianartut pillugit oqallittoqalernera eqqorluaavoq, tassani Sorsunnersuup Aappaata kingorna aamma Sorsunnersuup Nillertup nalaani sakkutooqarfiusimasup aappaanni Amerikamiut Sermersuup naqqanut qimassimasaat pineqarput.
Atuaruk: USA-p sermersuarmi eqqagai eqqissiviilliortitsipput
Ken Boweri sammisaq pillugu malunnartitsineruniarluni atsiortitsinernik katersinermik aallartitsivoq.
Atsiornerit 2.500-t anguneqarpata assiliisup apeqqutai Amerikami præsidentimit akineqarsinnaassapput.
Change.org-imi atuaruk: Clean up abandoned U.S. military base in Greenland