se billeder

Sakkulerluni ujajaasoq ujarneqarpoq

Arfininngormat ullaakkut Nuummi Centrum Grill-imi arnaq sulisoq sakkulimmit ujajaaffigineqarpoq. Takunnissimasinnaasut ujarneqarput

Pisortaq ujajaaffigineqartoq politiit killisiorpaat
Politeeq qimmilik paasiniaavoq.
Sulisunik killisiuinerminni politiit Centrum Grill matuvaat
Politeeq qimmilik paasiniaavoq. Benny KokholmSulisunik killisiuinerminni politiit Centrum Grill matuvaat Benny KokholmPisortaq ujajaaffigineqartoq politiit killisiorpaat Benny KokholmPoliteeq qimmilik paasiniaavoq. Benny KokholmSulisunik killisiuinerminni politiit Centrum Grill matuvaat Benny KokholmPisortaq ujajaaffigineqartoq politiit killisiorpaat Benny KokholmPoliteeq qimmilik paasiniaavoq. Benny Kokholm

Arfininngormat ullaakkut nalunaaqutaq 06:01 ammarnissaa sioqqutilaarlugu Nuummi Centrum Grill sakkulimmit ujajaaffigineqarpoq.
Angutip inuusuttup 20 aamma 30 akornanni ukiullip arnaq aallaammik qunusaarlugu aningaasat karsimiittut tunniutsippai.
Taamatut Sermitsiaq.AG-mut uppernarsaavoq Nuummi Politiini pigaartoq Johan Westen.
– Aningaasat amerlajaartut angummut tunniunneqarput, taannalu katersortarfiup tunuani majuartarfitsigut Qapiarfiusaap tungaanut qimaavoq, Johan Westen oqaluttuarpoq, oqaatigalugulu angut ujaarineqartoq kalaaliusoq.
– Taanna 20 aamma 30 akornanni ukioqarpoq, nalinginnaasumik isikkoqarluni, 165-170 centimeterinik angissuseqarluni, qernertumik nasalimmik kavaajaasaqarpoq sølvitut qalipaatilimmik siittartulimmik. Tamatuma saniatigut qorsummik taartumik tuluujuaraqarpoq, qernertunik arpaasinik qarleqarluni sinaasigut qaqortunik titarnertalinnik, kondiskooqarluni qaamasunik aammalu taartunik Oakley-nik seqinersiuteqarluni tungujortumillu snescooterertartut kiinarpaqarluni. Angut aallaasilisaarluni qimaavboq, Johan Westen oqarpoq.
– Pisimasoq erloqinartorujussuartrut isigaarput takunnissimasinnaasunillu ujarlerpugut imaluunniit inummik pisimasumillu ilisimasalinnik. Inuit uunga siunersinnaapput 701448, Johan Westen oqarpoq.
– Ujajaaneq sukkasoorujussuarmik pisimaavoq oqaatigerusunngikkallarparpullu aningaasat qanoq amerlatigisut angummut tunniunneqarsimanersut, Johan Westen oqarpoq.

Powered by Labrador CMS