Sakkortusaavilinni internetimut akit nutaat

Tele-Postimi internetimut nioqqutinik allanngortitsisoqalerpoq.

Internettip 'Annerup' datat imarisai marloriaatinngortinneqassapput, 50 gigabytemiit 100 gigabytemut. Pitsanngoriaatit automatiskimik pissapput, maajip aallaqqaataa aallarnerfigalugu, akialu 1.149 koruuniusoq allannguuteqartinneqassanngilaq.

Mikisoq nutaaq pitsaanerulersinneqarsimasorlu atorneqalissaaq, taanna 5 gigabytenik 299 koruuninik akilimmik imaqassalluni, Tele-Post ilisimatitsivoq.

- Tamakkiisumik isigalugu gigabytemut akigitinneqartoq taamaalilluni malunnaatilimmik appartinneqassaaq. Aki gigabytemut ataatsimut 420 koruuniniit 60 koruuninur appassaaq. Gigabytemik allamik pisiniaqqinneq gigabytemut ataatsimut 100 koruuneqassaaq, ingerlatseqatigiiffik tusagassiuutinut nalunaarummi allappoq.

Massakkut atorneqartunik internettinik Mikinermik aamma Mikisumik tuniniaanerit maajip aallaqqaataa aallarnerfigalugu unitsinneqassasut nalunaarutigineqarpoq.

Tele-Postip atuisunut inassutigivaa internetimik Mikisumik maannakkumiit innimiinneeqqullugit.