Wednesday, September 13, 2017 - 06:20

Sakialluut tuberkulose toqqutaasoq

Assi.: Creative Commons
Kujataa sakialluummiit tuberkulosemit sakkortunerpaamik eqqugaasimavoq. Kikkut aarlerinartorsiornerat matumani atuaruk

Inuit 41-t napparsimalissutaasumik sakialluuteqartutut ukioq manna nalunaarsorneqarsimapput. Tamanna Nunatta Nakorsaaneqarfianit kisitsisinit nutaarluinnarnit takutinneqarpoq.

Pingaartumik Kujataani illoqarfinni nunaqarfinnilu ajorluinnartoqarpoq.

AG taama allappoq.

- Nappaat nuna tamakkerlugu eqquivoq. Kisianni 2016-imi maannamullu 2017-imi pingaartumik Kujataani sakialluuteqalersimasorpassuarnik nutaanik takusimavugut, peqqissaasoq sakialluummut tunngasuni immikkut siunnersortaasoq, Rikke Bruun de Neergaard, Nuummi Nunatta Nakorsaaneqarfianeersoq, AG-mut oqarpoq.

Nunarsuarmi peqqissutsimut suliniaqatigiiffissuup WHO-p, nappaat oqaluttuarisaanermi ersigineqarsimasoq akiorniarlugu qanoq ingerlasoqarneranik ataatsimoortumik naliliiniarluni Kalaallit Nunaannut paasiniaasitsisimasup, nalunaarusiaani pissutsit assingusumik saqqummiunneqarput.

Nappaat qaffasinnerpaaffimminiimmat napparsimalersimasut 900-t angullugit amerlassuseqartut nalunaarsorneqarsimapput. Nappaat aaqqissuussaassumik suliniuteqartoqarneratigut nungutinneqangajalluinnarpoq; 1980-ikkunni napparsimalersartut taamaalillutik ukiumut qulit missaannaannik amerlassuseqarput. 

Taavali pissutsit ajorsiartoqqilerput. WHO-mit nalunaarusiaq naapertorlugu napparsimalersartut amerliartupiloortut 2011-mi amerlanerpaaffeqalerput napparsimalersut nutaat 234-t paasineqarmata. Ukioq taanna toqusut qulingajaat tuberkulosemik toqquterarneqarput. 

Qujanartumilli napparsimalersartut ikilisinniarneqarnerat iluatseqqippoq.

AG-mi kikkut nappaammit eqqugaanissamut ulorianartorsiornerpaasut atuarsinnaavat. Aviisi elektroniskiusoq uani ataani linkikkut pisiarisinnaavat: 

Seneste nyheder / Nutaarsiassat kingulliit