Sakiallunneq
Sakialluut pillugu Sermersooq suliniuteqartoq
Sakialluttarneq pillugu Kommuneqarfik Sermersooq aamma peqqissaasoq Rikke Bruun de Neergaard paasititsiniaapput sapaatip akunnerata siuliani
Aggustip 18-ani Kommuneqarfik Sermersooq tuberkulosilinnillu peqqissaasoq Rikke Bruun de Neergaard sakialluttarneq pillugu paasititsiniaapput. Kommunemi sulisut tamarmik qaaqquneqarsimapput.
Paasititsiniaanerup siunertarivaa sakialluut pillugu ilisimasanik siarmarsaanissaq, Kommuneqarfik Sermersuumilu tuberkulosemi killiffik aammalu sakialluummut pinaveersaartitsinermi oqaluttuarneq.
Kommuneqarfik Sermersooq allappoq
Sakialluutip aningornissaa pillugu innuttaasut aamma suleqataasariaqartut peqqissaasoq Rikke Bruun de Neergaard oqariartuuteqarpoq.
- Pingaaruteqarpoq paasissallugu tamatta tuberkulosimut akiuunianermi akisussaaffeqaratta. Innuttaasutut paasisimasariaqarparput inuiaqatigiit akornanni tuberkulosip siammasissusaa. Sumiluuniit peqqinnissaqarfiup kisimiilluni suliaq suliarisinnaanngilaa, oqarpoq.
Sakialluummik nappaateqarnermut takussutissat:
- Quersorneq
- Napparsimasutut misigineq
- Sanigorneq
- Nererusunnginneq
- Kissarneqarneq
- Qasuneq
- Unnuakkut kiaguttarneq