Futsalimi GM
SAK futsal GM-imi pissartanngoqqippoq
Nukappiaqqat 18-it ataallugit ukiullit futsalimi pissartanngorniuunneranni Sisimiuneersut pissartanngoqqipput
Nukappiaqqat inuusuttuaqqat 18-it ataallugit ukiullit futsalimi pissartanngorniuupput Sisimiuni, tallimanngornermiit sapaammut S-68 aaqqissuisoralugu.
Futsalimi arsarnermi ukioq kingulleq pissartaasut, SAK Sisimiut, GM-imi pissartanngoqqipput. Taamaasillutik kuultinnapput.
Sisimiormiut Kaassassummut Maniitsormiunut unammigamik 9-2-mik ajugaapput.
- SAK-p ukiut marluk ingerlatiinnarlugit pissartanngorneranut peqqutaavoq arsartut piumassuseqarluaramik. Unamminernimi tulleriiaani ajugaasaarput, finalimi ajugaarujussuarnissami tungaannut, SAK-p sungiusaasua Jens Frederik Olsen oqarpoq.
Semifinalimi unammipput B-67 Nuumminngaanneersut aamma N-48 Ilulissaaninngaanneersut. Unammineq naammassilersoq B-67 målimik ataatsimik siuarpoq, taamaasilluni inernerivaa 4-3. B- 67 sølvinnapput N-48 bronzinallutik.
Silarlunnera peqqutaalluni Ippernaq-53 Kangaatsiaq aamma N-85 fra Narsaq tikinngitsoorput.
18-nit ataallugit ukiullit arsaallaqqinnerpaatut toqqarneqartut:
-
Steffen Høegh Møller, SAK
-
Aputsiaq Gabrielsen, SAK
-
Karl Louis Sandgreen, SAK
-
Marco Leibhardt, B-67
Ukioq manna holdit målmandiat:
-
Steffen Høegh Møller, SAK
Ukioq manna arsarluarnerpaaq:
- Karl Louis Sandgreen, SAK
Ukioq manna teknikiginnerpaaq:
- Kunuk Eriksen, T-41
Ukioq manna sukataallaqqinnerpaaq:
- Aputsiaq Gabrielsen
Ukioq mannapissuserinnerpaaq:
- Karl Louis Sandgreen