ujaasineq
Saassussisoq aamma takunnittut marluk politiit ujarpaat
Marlunngornerup pingasunngornerullu akornanni unnuami saassussinermut atatillugu angut illoqarfiit pingaarnersaanni ujaarineqarpoq. Tassungalu atatillugu takunnittut marluk pasineqartumut attaveqarsimasut ujarneqarput
Sermitsiaq.AG-p pingasunngornermi allaasereriigaatut arnat marluk angummit pingasunngornerup unnuaani Nuummi saassunneqarsimapput.
Siullermik arnaq Qullilerfiup aamma Qapiarfiusaap eqqaani saassunneqarpoq.
Saassussisoq politiit maanna ujaarivaat.
Taanna kalaalerpaluttumik isikkoqartutut oqaatigineqarpoq, 20-30 akornanni ukiulik, tuattoq, 165 centimeterit missaani angissusilik, timersuutinik qarleqarpasittoq nammattagalik. Angut nuersakkamik tungujortunik qaamasunik titarnilimmik nasaqarpoq.
Atuaruk: Arnaq saassunneqartoq - pinerluuteqartoq tigusarineqanngitsoq
Takunnittunik marlunnik ujaarinninneq
Tamatumunnga atatillugu politiit takunnittunik marlunnik ujaarinnipput, arnaq angullu, taalli pasineqartoq Kiassaateqarfiup nalaani pasineqartoq naapissimavaat.
Arnaq kalaalerpaluttutut 165 centimeterillu missaanni angissuseqartutut oqaatigineqarpoq, qassinik ukioqarnera ilisimaneqanngilaq, aappilarujuttumik qiviulimmik kavaajalik, aappalorujuttumik natsap qaavatigut nivingasulimmik nasalik.
Angut kalaalerpaluttutut oqaatigineqarpoq, 165 centimeterit missaanni angissuseqarpoq, ukiui ilisimaneqanngillat, taartunik atisaqarpoq.
Aamma atuaruk: Qatanngutaasoq: Saassussisup toqoriaraluarpaa
Taakku marluk Kiassaateqarfikkoorlutik illoqarfiup qeqqata tungaanut pisullutik ingerlasimasiut, politiit ilisimatitsipput.
- Saassussinernik takunnissimasinnaasut aammalu inunnik politiit ujagaannik ilisimannissinnaasut politiit attaveqarfigerusuppaat, Nuummi politiit allapput.
Politiit tlf. 70 14 48-mut sianernikkut aammalu politi@politi.gl-imut attavigineqarsinnaapput.