pisassiissutit
Saarullittassiissutit nungulersut
Naak saarullittassat qaammatip aallartinnerani 1.500 tonsinik ilaneqaraluartut pisassiissutit maanna nungulereerput
Naalakkersuisut partiit siulittaasuinik taperserneqarlutik sinerissap qanittuani saarullittassiissutit novembarip sisamaani 1.500 tonsinik ilavaat.
Pisassiissutit ilanerisigut Naalakkersuisut taamani neriuutigigaluarpaat saarullinniarluni aalisarnerup ukiup sinneranut ingerlaannarsinnaanera.
Atuaruk: Saarullittassat 1.500 tonsinik ilaneqarput
Kisianni Aalisarsinnaannermut Akuersissutinik Nakkutilliisoqarfimmit maanna nalunaarutigineqarpoq saarullinniarluni aalisarneq pingasunngornermi novembarip 19-ani unitsinneqartussanngortoq pisassiissutit nungulermata.
Taamaalilluni pingasunngorneq kingullermi tunitsiviusinnaavoq, soorlu aamma ullormi tassani aalisaatit qaqinneqassasut nalunaarutigineqartoq.
Taama Aalisarsinnaannermut Akuersissutinik Nakkutilliisoqarfimmit nalunaaruteqarput.