Aalisarneq
Saarullinniartarnermut inerteqquteqalerniartoq
Saarulliit saarullinnut qassutinit aalisarneqartarnerat unitsinneqarniarpoq.
Aalisarnermut Piniarnermullu Naalakkersuisup, Karl-Kristian Krusep, qalerallit amerlavallaat saarullinnut qassutinit pisarineqartartut amerlavallaarnerat tunngavilersuutigalugu aalajangiineq taama nassuiaateqarfigalugu oqaaseqarpoq.
Misilittakkat ajortut
- Misilittakkat takutippaat qalerallit amerlasoorpassuit saarullinnut qassutinit pisarineqartartut, tamanna siunertaanngikkaluartoq. Taamaattumik pilersaarutigivara tamatumunnga nalunaarut allanngortinneqassasoq, saarullinnut qassutit nunatsinni aalisaatitut atorunnaarsinneqassallutik, Aalisarnermut Piniarnermullu Naalakkersuisoq erseqqissaavoq.
Karl-Kristian Krusep ilanngullugu paasissutissiaraa, inerteqquteqalerniarneq KNAPK-p siulittaasuata, Henrik Sandgreenip taama aalajangerneq taperseraa.