Kangaatsiaq
Saarulliit nerpiinik tunisassiornermi atortut nutaat suliffissaqartitsilersut
Tunisassiornermi atortut nutaat Royal Greenlandip Kangaatsiami sukataartitsilersut
Royal Greenlandip saarulliit nerpiinik tunisassiornermi atortui Kangaatsiami ullumi ataatsimik ilaneqarput. Taamaasilluni tunisassiorfik tunisassiornivimmik aallussilerpoq. Tunisassiorfik siornatigut ulapinnerpaaffimmi 30-nik sulisoqarluni aalisakkanik qerititsineq taamaallaat ingerlatarisimavaa.
Royal Greenland ilisimatitsivoq.
Siullermik 30-nik sulisoqartarsimavoq. Royal Greenlandi maannamut Paamiuni Maniitsumilu saarulliit nerpiinik tunisassiorfeqarpoq, Sisimiuni taamatut tunisassioriaaseq ukioq manna juulimi aallartinneqassaaq.
Aalisartut 60-t
Kangaatsiap tunisassiorfiani qerinasuartitsivik nutaaq aalisakkanik angisuunik, soorlu qeeqqanik allanillu qerinasuartitsisartussaq atuutilerpat tunisassiorfimmi tunisassiorneq suli sukataartitsinerulissaaq.
Kangaatsiami umiatsiaararsortut 60-t tungaannut amerlassusillit tunisassiorfimmut tulaassuisartuupput. Amerlanerit nipisat suaannik tulaassuipput, suaallu juunip naalernerani tunisaajunnaarnissaasa tungaannut ingerlassallutik. Umiatsiaararsortut pingasuinnaagallartut maannamut saarullinnik tunisassiorfimmut tulaassuisuupput.