killiffimmik nalunaarusiaq

Saammaateqatigiinnissamut Isumalioqatigiissitap nalunaarusiaa siulleq saqqummerpoq

Saammaateqatigiinnisssamut Isumalioqatigiissitap 2017 ilanngullugu sulisussap ukiumoortumik killiffimmik nalunaarusiani siulleq, aalajangiinernik sulianillu takussutissiiviusoq, suliarisimavaa

Saammaateqatigiinnissamut Isumalioqatigiissitaq Tasiilami innuttaasunik ataatsimiititsisoq

Killiffimmik nalunaarusiami 2014-imi juulimi pilersitsereernermiit 2015-imi juulip tungaanut isumalioqatigiissitap suliai pingaarnerit takussutissiorneqarput. Nalunaarusiaq isumalioqatigiissitap pilersaarutaanut periusissiaanullu kiisalu sammisaanut killiffinnut nassuiaammik imaqarpoq.

Atuaruk: Jens Heinrich: Saammaateqatigiinnissamut Isumalioqatigiissitaq kukkunerunngilaq

- Inuiaqatigiinni innuttaasut assigiinngitsuneersut, kinguaariit akornanniinnerat, illoqarfinniinnerat nunaqarfinniinnerallu, arnaanerat angutaanerallu, oqaaseqaqatigiiaat assigiinngitsut akornanniittuunerat il.il. apeqqutaatinnagit tamarmik tusaaniarneqarnissaat, aammalu oqallinnerni paarlaasseqatigiinnernilu sapinngisamik akuutinneqarnissaat, pingaaruteqarpoq, Jens Heinrich isumalioqatigiissitaq sinnerlugu ilaatigut oqarpoq.

Taanna ima nangippoq:

- Taamaalilluni ilisimasani isumalioqatigiissitamit katersorneqartuni innuttaasut namminneerlutik misilittagaat, eqqaamasaat aammalu maannakkut misigisartagaat aallaavigineqassapput, tamatumunnga ingiaqatigitillugu suliatigut oqaluttuarisaanikkut aamma inuiaqatigiilerinikkut misissuinerit suliarineqassallutik

Nalunaarusiami atuarneqarsinnaavoq, isumalioqatigiissitap ukioq manna ingerlatai paasissutissanik katersinermik immikkut malunnaateqassasut, sinerissami illoqarfinni nunaqarfinnilu paasititsiniaanermik innuttaasunillu akuutitsinissamik suliniutit saniatigut pingaartitatut suliniutit ingerlatasssallu assigiinngitsut aallartinneqassallutik.

Saammaateqatigiinnissamut Isumalioaqatigiissitap ukiumoortumik nalunaarusiaa siulleq uani atuaruk.

Aamma atuakkit:

DF: Saammaateqatigiinnissamut Isumalioqatigiissitaq quianaannarpoq

To medlemmer af Forsoningskommissionen træder ud

Powered by Labrador CMS