saammaateqatigiinneq
Saammaateqatigiinneq pillugu isiginnaagassiaq
Isiginnaagassialiaq oqaluttuarineqartut aallaavigalugit allataavoq, immiussat Saammaateqatigiinnissamut Isumalioqatigiissitap Nunatsinni katersarisimavai
Saammaateqatigiinnissamut Isumalioqatigiissitap isiginnaagassialiaq qulequtaqartoq “Saammaassiniarnerup aqqani” saqqummersippaa. Isiginnaagassialiaq apersuinerni immiussat aallaavigalugit allataavoq, immiussat Saammaateqatigiinnissamut Isumalioqatigiissitap Nunatsinni katersarisimasaanni.
Isiginnaagassialiaq tusagassiortumit isiginnaartitsisartumillu Vivi Sørensenimit suliarineqarpoq.
- Isiginnaagassialiaq pissanganarpoq, atuarneranilu oqaluttuat allaatigineqartut tiguartinnarlutik, isumalioqatigiissitaq tusagassiuutinut nalunaarummi allappoq.
Isumalioqatigiissitap immiussat eqqumiitsuliorpalaartumik saqqummiukkusussimavai, sapinngisamik siammasissumik inuit angorusullugit.
- Nuannaarutigalugu saqqummiupparput isiginnaagassialiaq qulequtaqartoq “Saammaassiniarnerup aqqani" isumalioqatigiissitami siulittaasoq Josef Therkildsen oqarpoq.
- Inuit immiunneqartut oqaluttuaat oqariartuutaallu aallaavigalugit allataavoq, tassani Kalaallit Nunaata oqaluttuarisaanerata ilaa aammalu Kalaallit Nunaanni inuiaqatigiinni pissutsit piviusut ersersinneqarput. Maanna soqutiginnittunit atuarneqarsinnaalerpoq, aammattaaq assersuutigalugu ilinniarfeqarfinni assigiinngitsuni atuartitsinerni atorneqarsinnaalerluni.