saammaasseqatigiinneq

Saammaasseqatigiinnissamut ataatsimiisitaliamit tunuartoqartoq

Saammaasseqatigiinnissamut ataatsimiisitaliaq, nunatsinni saammaasseqatigiinnissamut suliniuteqartussaq, ataatsimik ilaasortaatitakinnerulerpoq

Asseq Saammaasseqatigiinnermut Ataatsimiisitaliap Tasiilami ataatsimeeqqaarneraneersuuvoq

Saammaasseqatigiinnissamut ataatsimiisitaliaq, siullermeerluni oktobarip aallartinnerani Tasiilami, ataatsimiittoq, ilaasortaminik namminerisamik peqquteqarluni tunuartoqarpoq.

- Ajuusaarutigisatsinnik ilisimatinneqarpugut Amalie Lynge Pedersen namminerisamik peqquteqarluni Saammaateqatigiinnissamut Isumalioqatigiissitamit tunuarniuteqarsimammat. Isumalioqatigiissitamiinnera sivikikkaluartoq isumalioqatigiissitami sulineranut tunniussaqarluarsimavoq, suleqataaneralu maqaasissavarput, Jens Heinrich, Saammaateqatigiinnissamut Isumalioqatigiissitami ilaasortaq oqarpoq, nangillunilu:

- Isumalioqatigiissitap sulinera ingerlaannassaaq, maannalu tarnip pissusaanik ilisimasalinnik, piginnaasaannik atuisinnaanissarput siunertaralugu, ilisimasalittut suleqateqalernissarput naatsorsuutigaarput.

Atuaruk: Tunumiut: Kalaallit Nunaanni kitaamiut kangiamiullu saammaasseqatigiittariaqarput

Saammaateqatigiinnissamut Isumalioqatigiissitami nutaamik ilaasortassarsiortoqassanersoq pillugu qinersisoqareerpat Naalakkersuisut naliliissapput.

Amalie Lynge Pedersenip Saammaasseqatigiinnermut Ataatsimiisitaliamit tunuarnerata kingorna ukua maanna ilaasortatut sinnerupput: Karla Jessen Williamson, antropologimi doktoriusoq, Klaus Georg Hansen, etnografiimi cand. mag.-iusoq, Jens Heinrich, kulturikkut oqaluttuarisaanermi Ph.d.-usoq, Aviâja Egede Lynge, cand. scient.-iusoq aamma Ida Mathiassen, ilinniartitsisoq nalinginnaasumillu perorsaasarnermi cand. scient.-iusoq.

Powered by Labrador CMS